நகைச்சுவை கலந்த காதல் கதை. இரு கரகாட்டக் கலைஞர்களின் காதலை மையப்படுத்தி கோர்வையான திரைக்கதையில் உண்டான நகைச்சுவைத் திரைப்படம் இத்திரை படத்தில் சந்தான பாரதி, கனக, கோவை சரளா, காந்திமதி ஜூனியர் பாலைய்யா மற்றும் பாலர் நடித்துள்ளனர்.

Ramarajan

அக்கிராமத்தில் காமாட்சி கரகாட்டக் கலையில் பயிற்சி பெற்ற சுற்றியுள்ள கிராமங்களில் மிகவும் பிரபலமான  வல்லாள். அவ்வூர் பண்ணையார் காமாட்சியின் மேல் மோகம் கொண்டு அவளை அடைய அவளிடம் தவறான மோகத்தில் விழைய அவளால் அவமதிக்கப்படுகிறான். பகையுணர்வின் காரணமாக பண்ணையார் அந்த வருட திருவிழாவிற்கு காமாட்சி கரகாட்டத்தை தடை செய்து சேந்தம்பட்டி முத்தையன் கரகாட்டக்காரர்களை ஒப்பந்தம் பண்ணி ஆட அழைக்கிறார். வெளியூர் ஆட்டக்காரர்களுக்கு அழைப்பு விடுத்து காமாட்சியின் ஆட்டத்திற்கு தடை விதிக்கிறான்.இதனால்  சேந்தம்பட்டியைச் சேர்ந்த முத்தையா கரகாட்டக் குழுவினருக்கும் காமாட்சி ஆட்ட குழுவினருக்கும் மோதல் முற்றுகிறது

Gangai Amaran

முத்தையாவிடம் காமாட்சியின் தோழிகள் அவரிடம் சண்டையிடுகிறார்கள். இதன் காமாட்சி சிறந்த ஆட்டக்காரி எனக் கேள்வியுறும் முத்தையா அவளைக் காணத் துடிக்கிறான்.இங்கு நடந்த விவாதத்தை காமாட்சியிடம் கூறுகிறார்கள் அதற்க்கு காமாட்சி தேவை இல்லாத சண்டை என்று கூறுகிறாள்.   அன்றைய திருவிழாவில் நடனமாடும் முத்தையா அதைக் காண வந்த காமாட்சியைக் கண்டு காதல் வயப்படுகிறான். சிறந்த ஆட்டத்திற்காக அவ்வூர் மூத்த ஆட்டக்காரரான கனகாவின் தந்தையால் கௌரவிக்கப்படுகிறான் முத்தையா . மேலும் சிறப்பு விருந்திற்கும் அழைப்பைப் பெறுகிறான். விருந்து அவர்களின் காதலை இன்னும் வலுவடையச் செய்கிறது.

Ilaiyaraja

போட்டி நடைபெற்றுக் கொண்டிருக்கும் போது, எதிர்பாராத விதமாக இறைச்சிக் கடைக்காரன் மறைந்திருந்து தாக்குகிறான், அதைத் தடுக்கச் சென்ற காமாட்சி காயமுறுகிறாள். பதறி ஓடிவரும் காமாட்சியின் தந்தை மகளின் நிலையை எண்ணி கதறுகிறார். அவ்வண்ணமே வரும் முத்தையாவின் தாயார் தன் தம்பி(காமாட்சியின் தந்தை)யைக் கண்டு கோபமுறுகிறாள். தான் யாரை இவ்வளவு நாட்கள் காணவே கூடாது என்று  இருந்த வரைக் கண்டதாய் சாடுகிறாள். இருப்பினும் முத்தையா தன்னைக் காப்பாற்றிய காமாட்சிக்கு சிகிச்சை அளிக்கக்கோருகிறான். ஆயினும் தாயின் வற்புறுத்தலினால் அவ்விடத்திலிருந்து விடைபெற மனமில்லாமல் காமாட்சியின் தந்தையிடம் ஆறுதல் கூறி நகர்கிறான். இதற்கு இடையில் கவுண்டமணி செந்தில் கோவை சரளா நகைசுவை அங்கங்கு படத்தில் சலிப்பை தராமல் தொடர்ந்து கதையை நகர்த்துகிறது.

காமாட்சியின் நினைவால் வாடும் முத்தையா அவளைக் காண ஏங்குகிறான். அவளைக் காண அவளூர் வரும் போது அவளது மாமான் பலராமனால் தடுக்கப்படுகிறான். விரக்தியுடன் வீடு திரும்புகிறான். தாயிடம் தன் மாமனைப் பற்றி வினவும் போது அவர் திருடன் என்றும், தன் கணவர் நலிவுற்ற போது மருத்துவ செலவிற்காக சில நகைகளை அவரிடம் கொடுத்தனுப்பியதாகவும் அவர் திரும்பாமல் தன் கணவரின் இறப்புக்கு காரணமானதாகவும் சாடுகிறாள். முத்தையா நிலையை எண்ணி வருத்த முறுகிறான்.

காமாட்சி மற்றும் முத்தையா இருவரது கரகாட்டக்காரர்கள் குழுவை வெளியூர் நபர்கள் தேர்வு செய்கின்றனர் அண்ணல் அவற்றில் கலந்து கொள்ள விரும்பவில்லை என தவில் வித்வானிடம் கூறுகிறார். உடனே  தவில் வித்வான்  மற்றொரு ஊரின் திருவிழாவிற்கு காமாட்சி ஆட வரும் செய்தியை முத்தையாவிடம் கூறுகிறான். இருவரும் அங்கு செல்லும் போது சந்திக்கின்றனர். காமாட்சி மாமானால் இழுத்துச் செல்லப்படுகிறாள்.

ஒருவாறாக முத்தையாவிற்கும், காமாட்சிக்கும் திருமண நிச்சயத்திற்கு ஏற்பாடு செய்யப்படுகிறது. ஆனாலும் சின்ராசு பண்ணையாரின் தூண்டுதலால் காமாட்சியின் மாமன் பலராமன் அதைத் தடை செய்கிறான். மேலும் சின்ராசு, காதலர்கள் இருவரும் தற்செயலாக கோயிலில் சந்திப்பதை தெய்வகுற்றம் நடந்துவிட்டதாக ஊர் மக்களை நம்ப வைக்கிறான். அதற்கு தண்டனையாக தீமிதித்து உறுதி செய்யும்படி சூழ்ச்சி செய்கிறான்..